moison

Moison, m. acut. Semble qu'il vienne de Messis, qui signifie cueillete de bled. On dit moissons et moissonner, et moisson, pour mestives, couper les bleds et Austerons. Et moison est la part du grain que le fermier est tenu payer à son maistre pour la tenuë des terres d'iceluy. Selon ce on dit tenir la ferme d'aucun à moison de grain, quand on le paye en grain, Sub praestatione frumentaria, Dont l'opposite est moison d'argent quand on le paye en argent, Sub praestatione pecuniaria, On dit aussi tenir à moison, sans y adjouster ces mots, de grain ou d'argent, pour le mesmes, comme en est usé au 1. chap. Art. 40. Des coustumes de Paris. Aucuns interpretent moison, comme si on disoit muysson par ce que les baulx des fermes baillées à grain se font à certaine quantité de muys de grain.

Moisson, f. acut. Ou le temps de la moisson, Messis.

La Moisson d'une vache, c'est la traicte de laict, le laict qu'on tire, Mulctra mulctrae, Je pense qu'on veut dire Mousson ou Moulson, a mulgendo, id videlicet quod vna opera mulgetur, Mulsus, huius mulsus, huic mulsui.

Thresor de la langue françoyse. Jean Nicot.